‘Footgolf’ është një lojë e re, e cila sjell kombinimin e golfit dhe futbollit. Pra, lojtarët godasin me këmbë për të futur topin e futbollit në gropë nga një largësi e caktuar.
Qëllimi është që topi të futet në gropën rreth 53cm të gjerë.
Lojtari që mbaron lojë me më pak gjuajtje shpallet kampion. Rregullat kryesore janë të njëjta me ato të golfit. Mund të duket pak e çuditshme, por janë bërë 22 shtete në të cilat luhet kjo lojë.
Kjo lojë ka filluar të marrë vëmendjen e të gjithëve, prandaj mendohet që deri në fund të vitit të rritet numri i shteteve ku luhet.
Lojtarët kanë treguar se është shumë më e vështirë se sa e kishin imagjinuar. Ndërkohë shumë njerëz të thjeshtë kanë filluar të luajnë dhe duket se do jetë ndër lojërat që do pushtojë botën.
Ky sport u krijua për herë të parë në Holandë në vitin 2009 dhe tani është hera e parë që futet në ‘World Tour Championships.’/tesheshi.com/
