Fondi i çmimeve për Kampionatin Evropian të Futbollit 2024 në Gjermani (14 qershor deri më 14 korrik) është i pandryshuar në krahasim me turneun e mëparshëm kontinental. Sa i përket Kampionatit Europian, i cili u dominua nga pandemia tre vite më parë, UEFA po shpërndan 331 milionë euro në total.
Secila kombëtare do të fitojë 9.25 milionë euro vetëm për pjesëmarrje në Europian. Pra, Kombëtarja shqiptare, më saktë FSHF, e ka futur në arkën e saj këtë shumë.
Për një fitore në fazën e grupeve në turneun e Gjermanisë jepen një milion euro shtesë dhe për një barazim gjysmë milioni.
UEFA shpërblen raundin e 16-të me 1.5 milionë shtesë, çerekfinalet me 2.5 dhe gjysmëfinalet me katër milionë.
Pesë milionë të tjera e presin finalistin e mundur dhe tetë milionë euro për fituesin final.
Shuma maksimale që mund të fitojë kampioni i Europës nëse arrin të tria fitoret në grup është 28.25 milionë euro.
Fondi i çmimeve për Euro 2024:
Fondi total: 331 milionë euro
Bonusi i pjesëmarrjes: 9.25 milionë euro
Fitorja në grup: 1 milion euro
Hyrja në fazën e 16-të: 1.5 milionë euro
Hyrja në çerekfinale: 2.5 milionë euro
Hyrja në gjysmëfinale: 4 milionë euro
Finalistja e mundur: 5 milionë euro
Fituesi përfundimtar: 8 milionë euro
Zhvillimi i fondit të çmimeve në kampionatet evropiane të futbollit që nga viti 1996:
1996 (16 ekipe): 57.05 milionë euro
2000 (16 ekipe): 74.42 milionë euro
2004 (16 ekipe): 127.80 milionë euro
2008 (16 ekipe): 184 milionë euro
2012 (16 ekipe): 196 milionë euro
2016 (24 ekipe): 301 milionë euro
2021 (24 ekipe): 331 milionë euro
2024 (24 ekipe): 331 milionë euro
