Merxhan Jakupi është një emigrant tetovar me banim në Zvicër. Edhe pse një pjesë të mirë të jetës e ka kaluar në emigrimin, pra jashtë vendlindjes, tokës së tij, ai gjithnjë ka jetuar me hallet e dertet e atyshme, të bashkëkombasve.
Dhe mbajtja e shënimeve në formë ditari politik, për çfarë e ka shqetësuar, dje dhe sot, i është shndërruar një një formë komunikimi botën përreth. Dhe ne zgjedhim të publikojmë disa prej këtyre fletë-ditareve, në respekt dhe vlerësim për “pagjumësinë” e tij karshi çdo zhvillimi që ka në qendër truallin ku u lind…
A do të ndodhë shpërbërja e Maqedonisë?!
Pas shembjes rënies së komunizmit dhe përfundimit të luftës së ftohtë me substancë ideologjike, e cila e ndau globin në dy pjesë me kahje tyë kundërta në bazë sistemesh politike, filloi gjithashu dhe shpërbërja e Jugosllavisë së Titos, që pasoi me luftra të tmerrshme brenda hapësirës jugosllave.
Në këto kushte, udhëheqësit dhe politikanët e lartë europianë dhe të SHBA-ve u përpoqën të dalin me një plan paqeje. Projekti i tyre i përbashkët për të ndaluar genocidin, shfarrosjen në masë dhe masakrat e llojllojta u emërtuar si “Plani A”.
Dhe ky plan kishte si synim ndryshimin njëherë e përgjithmonë të kufijve në Ballkan.
Sllovenia kishte shpallur pavarësinë. Një pjesë e kroatëve të Bosnjës iu bashkangjitën shtetit amë, Kroacisë. Serbët e Bosnjës do ecnin sigurisht në të njëjtën rrugë duke iu bashkangjitur Serbisë. E sakaq, myslimanët e Bosnjës të mbetur si sanduiç mes Kroacisë dhe Serbisë, do detyroheshin të krijonin një shtet më vete për t`u mbrojtur.
Në jug, Kosova ishte në valën e kërkesës për t`u pavarësuar nga pushteti serb që e kishte mbi krye, me prirjen për të formuar një republikë më vete, kërkese që datonte që në fillim të viteve `80, por që me rënien e komunizmit morri dhe kahje drejt një shteti të pavarur. Prirja e natyrshme për bashkim me Shqipërinë mbeti në frymë, por nuk pati kurajon të artikulohej kurrë zyrtarisht. As sot.
Dhe vijmë në Maqedoni, ku realiteti i atyshëm ndëretnik është mjaft delikat: nje shtet që ndahet mes shqiptarëve dhe maqedonasve, por që pretendohet si nga Bullgaria ashtu dhe nga Greqia; që do të thotë pra se në rast lufte në terma nacionalistë , eksalimi i dhunës do ishte i tmerrshëm, ngjashëm me luftrat e tjera.
Por pasiqë dështoi “Plani A” për ndryshim kufijsh, meqë luftrat dhe viktimat nuk u shmangën dot, erdhi “Plani B” për mosnndryshim kufijsh. Dhe ky plan i ra për hise Maqedonisë, por që sërish konfliktet dhe trazirat nuk u shmangën dot…
Dhe sot ende vijon dilema nëse Maqedonia do shpërbëhet, derisa vendi nuk i ka zgjidhur përfundimisht çështjet ndëretnike, që gjithnjë mbeten të nxehta…
