Kandidati për kryetar të Partisë Demokratike, Eduard Selami, edhe pse ka deklaruar se gara ka pasur probleme dhe nuk ka qenë e barabartë, në fund të numërimit ka njohur zyrtarisht procesin e zgjedhjes së kryetarit të ri të PD-së dhe e ka quajtur një “hap përpara”.
“Ka një votim, ky votim është bërë dhe unë respektoj çdo votim. i kam telefonuar zotit Basha sot dhe i kam uruar fitoren dhe ju bëj thirrje të gjithë demokratëve dhe atyre që nuk kanë votuar për mua, hajdeni të bashkohemi që t’i japin Shqipërisë një opozitë të fortë dhe unë do të jap të gjithë kontributin tim që kjo të realizohet.
Pavarësisht se zgjedhjet ishin të pabarabarta, ky ishte një hap i rëndësishëm përpara. Unë kam hartuar një platformë konkrete që zgjedhjet e tjera që do të vijnë të jenë më të mira dhe unë mendoj se Partia Demokratike ka dalë më e fortë dhe unë do të japë kontributin tim si anëtar i PD që ajo të kthehet në shpresë për të gjithë shqiptarët”.
/tesheshi.com/
