Knut Fleckenstein, eurodeputeti gjerman që raporton për Shqipërinë ka replikuar me Kryetarin e Komisionit Europian Jean-Claude Juncker, i cili më parë ka vlerësuar më shumë Serbinë sesa Shqipërinë.
Fleckenstein, ka deklaruar: “Unë nuk ndaj të njëjtin mendim me zotin Juncker, i cili vendosi dhe një datë për anëtarësimin e Serbisë.
Nëse do t’i krahasonim, Shqipëria ka bërë hapa më të dukshëm sesa vendet e tjera të Ballkanit Perëndimor me reformën në drejtësi”.
Shqipëria shpreson që këtë vit të hapë negociatat për anëtarësimin në Bashkimin Europian, ndërkohë që Serbia dhe Mali i Zi mund të marrin datën për anëtarësimin në BE.
Edhe kryeministri shqiptar Edi Rama është shprehur i pakënaqur ndaj BE-së në disa intervista për media të rëndësishme ndërkombëtare, për vlerësimet në lidhje me Serbine e Malin e Zi, kundrejt Shqipërisë.
/tesheshi.com/
