Në ditën kur Kosova po feston Ditën e Evropës, në Veri të Mitrovicës janë vendosur gjithandej fotografi të presidentit rus, Vlladimir Putin, si dhe flamuj të Rusisë, duke dëshmuar se kjo pjesë vazhdon të mos jetë nën kontroll të institucioneve kosovare.
Sipas burime të “KosovaPress”, ata janë vendosur nga njerëzit e Millan Radojiçiq, emri i të cilit është i lidhur me shumë ngjarje në veri, përfshirë edhe vrasjen e politikanit serb Oiver Ivanoviç.
Përmes këtyre fotografive dhe flamujve rusë , pikërisht në Ditën e Evropës, qytetarët serbë të Veriut dërgojnë mesazh për raporte vëllazërore me Rusinë.
Disa qytetarë serbë të Veriut, të cilët kanë preferuar të mbeten anonimë, kanë thënë për “KosovaPress” se veç tjerash, vendosja e fotografive të tilla, ndërlidhet me vizitën e presidentit të Serbisë, Aleksandar Vuçiç, i cili ndodhet aktualisht për vizitë në Rusi.
Kujtojmë se pak ditë pasi po në Veri u vendosën pankarta me foto të ushtarëve të xhandarmërisë serbe me thirrje për luftë. /tesheshi.com/
