Të ashtëquajturin komunikom javor në FB, ashtu siç pritej, kryeministri Rama ia ka kushtuar marrëveshjes, gati historike me Bashën. Ai është përpjekur të rrëzojë çdo insinuatë mbi marrëveshjen, sidomos ato lidhur me fatin e partive të vogla, duke zgjedhur të përçojë mesazhin se pakti me Bashën është në të mirë të Shqipërisë. Me një gjuhë të zbutur, ndryshe qengji, Rama ka shfaqur një vizion politik udhëheqës të panjohur deri më sot, duke i dhënë vetes dhe Bashës deri rolin e misionarëve në fundit e tranzicionit të lodhshëm shqiptar.
“Si e qysh u arrit kjo marrëveshja është një libër më vete, kapitujt e të cilës janë shumë më ndryshe nga se janë thënë në mexhlisin mediatik.
Ata që rendën t’i quajnë ndryshimet në qeveri pazare për tendera, janë pikërisht ata që ngarendin për të kapur kocka dhe për të përfituar nga pazari i politikës.
Pa u arritur marrëveshja, qeveria ishte angazhuar nëpërmjet një urdhri që të mos bëhej asnjë shpenzim
Ministrat e rinj teknikë do të jenë në detyrë si kujdestarë të etikës zgjedhore. E njëjta gjë edhe për drejtorët.
Tryeza e dialogut do të jetë e hapur jo vetëm kur kemi krizë. Kryetari i mazhorancës dhe kryetari i opozitës së pas 25 qershorit të takohen për hapat e integrimit.
Zbatimi i saj na bën më në fund një shtet serioz në sytë e botës. Marrëveshja e arritur është një platformë për të zgjidhur krizat 27-vjeçare që i shpikin partitë dhe i paguan populli.
Me gjithë respektin për partitë e vogla, ato nuk mund të jenë garant të qeverisë.
Ka vetëm një bashkëqeverisje në këtë marrëveshje, bashkëqeverisje në zgjedhje. Këtë herë jo vetëm administrata zgjedhore është e baraspeshuar, por edhe vetë qeveria është e bashkëvendosur bashkërisht vetëm këtë funksion.
PS dhe PD kanë qenë kundërshtare, janë dhe do të jenë kundërshtare politike. Dy programe alternative krejt të ndryshme.
Mos’hapja e lojës së koalicioneve nuk ka asnjë lidhje me bashkëqeverisjen”, tha Rama, siç mund të dallohet, në të parin fjalim javor mbas ngërçit tremujor të çadrës së opozitës, ku nuk i mëshon me akuza të rënda kësaj të fundit. /tesheshi.com/
