Aktivistja e opozitës ruse Julia Navalny akuzoi presidentin rus Vladimir Putin për vrasjen e bashkëshortit të saj, politikanit rus Alexei Navalny, duke shtuar se ajo do të vazhdojë punën e burrit të saj dhe dëshiron të ndërtojë një Rusi të lirë.
“Dua të jetoj në një Rusi të lirë, dua të ndërtoj një Rusi të lirë”, tha Navalny në një adresë video të postuar në YouTube.
Ajo deklaroi se do të punojë për të mirën e qytetarëve të Rusisë për të luftuar Kremlinin dhe për të krijuar një “Rusi të re”.
“Duke vrarë Alexei, Putin vrau gjysmën time – gjysmën e zemrës dhe gjysmën e shpirtit tim. Por unë kam ende gjysmën tjetër që më thotë se nuk kam të drejtë të dorëzohem,” tha Navalny.
Ajo shtoi se së shpejti do të informojë publikun se pse “Putini e vrau Alexein tre ditë më parë”.
“Ne patjetër do të zbulojmë se kush saktësisht e ka kryer këtë krim dhe si. Do të publikojmë emrat e tyre dhe do t’u tregojmë fytyrat”, tha znj. Navalny.
Я буду продолжать дело Алексея Навального. Продолжать бороться за нашу с вами страну. И я призываю вас встать рядом со мной. pic.twitter.com/aBOIvcYHHk
— Yulia Navalnaya (@yulia_navalnaya) February 19, 2024
Për kujtim, lideri i opozitës ruse Alexei Navalny vdiq të premten, më 16 shkurt, njoftoi Shërbimi Federal Korrektues i Rusisë për rrethin Yamalo-Nenets, duke shtuar se Navalny u ndje keq pas një shëtitjeje në mëngjes dhe humbi vetëdijen deri në vdekje.
Navalny po kryente një dënim me 30 vjet burg për, siç thuhet në vendim, themelimin dhe financimin e një organizate ekstremiste, ndërkohë që njihej si një kritik i ashpër i Kremlinit. /tesheshi.com/
