Lëvizja Socialiste për Integrim ka reaguar ashpër ndaj kreut të opozitës Lulzim Bashe, i cili e quajti këtë forcë politike si strehë horrash, sot gjatë një tubimi në Kukës. Luan Rama nga LSI, tha se Basha është një shtyllë e mediokritetit në këmbë dhe një mosmirënjohës, i cili është i trembur nga humbja e zgjedhjeve lokale të 21 qershorit.
Rama shtoi dukë thënë se dekiriminalizimi do të ketë efekt prapaveprues për të gjitha dosjet e korrupsionit, për të cilat kërkoi të rihapeshin të gjitha, veçanërisht ato të mbyllura për procedurë, ku përfshihet edhe ajo ndaj Bashës për shpërdorim fondesh në rrugën Durrës-Kukës.
Dosjen e përfolur të Bashës, e përmendi dhe deputeti socialist Taulant Balla, që tha se vonesa në dërgimin e dosjes në gjykatë, justifikuar nga përdorimi i raporteve mjekësore, ishte pazari që mbajti Bashën larg gjykimit dhe dënimit të tij. /tesheshi.com/
