Leon Lederman, fitues i çmimit Nobel në fizikë në vitin 1988, ka vendosur të nxjerrë në ankand medaljen e marrë si vlerësim.
Çmimi fillestar për shitjen e saj është 325 mijë dollarë. “Qëndroi në një kuti për së paku 20 vjet dhe tani vendosa që ta shes. Më duket gjëja më logjike për t’u bërë”, tha amerikani Lederman, aktualisht 92 vjeç.
Ai fitoi çmimin Nobel në Fizikë pasi në vitin 1962 zbuloi muon neutron, i cili është një pjesë sub atomike 200 herë më e vogël se elektroni. Ky zbulim i hapi rrugën kërkimeve dhe zbulimeve të tjera na fizikën kuantike.
Bashkëshortja e tij, Ellen Lederman u shpreh: “Leon ka shijuar pronësinë e medaljes së Çmimit Nobel për shumë vite, ndërsa tani mendon se është radha e dikujt tjetër të shijojë këtë mrekulli të vogël, me shpresën se dikush do ta dashurojë fizikën dhe do të bëjë një zbulim tjetër në këtë fushë”.
Ankandi po zhvillohet online dhe do të mbyllet të enjten mbrëma. /tesheshi.com/
