Finlanda gjithmonë ka mbajtur vendet e para për cilësinë në sistemin arsimor. Mirëpo ky vend nuk ndalet me kaq. Reformat e reja në sistemin arsimor parashikojnë zhdukjen e lëndëve shkollorë nga orët e mësimit. Kjo lloj kurrikule e re do të zbatohet tek klasat e mesme domethënë për nxënësit mbi 16 vjeç.
Kjo reformë nënkupton heqjen e lëndëve shkencore dhe shoqërore të cilat do të mësohen përmes praktikës dhe me zgjedhje në mënyrë që nxënësit mos të mësojnë më gjëra për të cilat shpeshherë pyesin: “Për çfarë më duhet mua kjo”. Përshembull. Lufta e Dytë Botërore do të mësohet nga këndvështrimi historik duke shpjeguar gjeografinë dhe matematikën në të njëjtën kohë. Do të ketë kurse si përshembull “të punuarit në një lokal” ku do të mësohen njohuri të gjuhëve të huaja, ekonomia dhe komunikimi.
Do ndryshohet gjithashtu dhe formati i bashkëveprimit nxënës-mësues. Nxënësit nuk do rrijnë më ulur në një bankë në pritje të “kujt i bie radha për t’u pyetur”. Ora e mësimit do të bëhet në formë grupesh diskutimi për të nxitur mendimin kritik.
Tashmë, gati 70% e mësuesve në Helsinki kanë marrë formimin e duhur parapërgatitor për t’ju përshtatur sistemit të ri arsimor. /tesheshi.com/
