Forcat RENEA ekzekutuan një 71-vjeçar në Elbasan, pas 5 orësh negociata me të për t’u dorëzuar. Viktima Lefter Zhidri, mbajti një lagje të tërë nën ankth, pasi vendosi të reagonte me armë ndaj forcave të rendit. Për pasojë, plagosi dhe dy kalimtarë rasti.
Gjithçka nisi pas një sherri të tij me gruan, kur kjo e fundit vendosi të kërkojë ndihmë nga policia. Kjo e fundit më pas u përball me reagimin luftarak të 71-vjeçarit, që, në një gjendje të rënduar shëndetësore, nisi një luftë me unformat blu, gjë e cila zgjati për rreth 5 orë.
Forcat RENEA u përpoqën me të gjitha mënyrat për të negociuar që të dorëzohej, por 71-vjeçari qëndroi stoik në çcmendurinë e vet deri në fund. Ndaj, epilogu i gjithë këtij zhvillimi qe ekzekutimi “pa gjyq”. /tesheshi.com/
