Festa e sotme e Pezës është shoqëruar me shpëthima brohorimash për Enver Hoxhën, bëhet me dije nga media të ndryshme në vendgjarje. Sipas lajmeve që vijnë nga fshati historik i Tiranës, kanë qenë veteranët e luftës ata që gjatë homazheve për të rënët, kanë kujtuar me thirrje ish-komëndantin e tyre dhe udhëheqësin komunist, Enver Hoxha.
Festa e Pezës prej vitesh organizohet atje, e promovuar nga Rama kur ishte kryebashkiak i Tiranës. Më shumë se për arsye historike, festa u sajua për arsye shoqërore, ku në fakt çdo 15 shtator aty dyndeshin krahas veteranëve, edhe të rinj e familjarë, që shtrohen duke ngrënë, pirë, kënduar e kërcyer. Por ajo feste kurrë nuk legjitimua nga një pjesë e politikës dhe e shoqërisë.
Dhe jo vetëm për arsye historike dhe ideologjike, zakonisht festa degradon në incidente të ndryshme mes individësh aty, pasi konsumimi i alkolit bën të vetën. Por tani, festa e Pezës po degradon dhe planin politik, pasi shfaqjes së episodeve plot veneracion për figurën e Enver Hoxhës. /tesheshi.com/
