Nuk ka nevojë për një ndeshje shtesë ndërmjet Feronikelit dhe Besës për ta përcaktuar titullin kampion. Skuadra nga Drenasi, Feronikeli, është kampioni i ri i Kosovës në futboll për edicionin 2014-15 dhe atë për herë të parë në histori të skuadrës.
Feronikeli ka treguar nivel të lartë nga fillimi e deri në fund të këtij kampionati, ku shumicën e sezonit ishte në vendin e parë.
Feronikeli titullin e siguroi pas barazimit me Prishtinën 2:2, duke lënë mbrapa skuadrën e Besës, e cila pozicionohet në vendin e dytë.
Golat për Feronikelin në këtë takim i shënuan Behar Maliqi22’ dhe Lapidar Lladrovci 57’, ndërsa golin e vetëm për Prishtinën e shënoi Labinot Osmani në 78 dhe 90+.
Pas këtij barazimi Feronikeli e mbyll kampionatin në vendin e parë me 67 pikë, ndërsa Besa mbetet në vendin e dytë me 66 pikë, që në Gjakovë e mposhti Vëllaznimin me rezultat 3:1. /tesheshi.com/
