Deputetët e Kuvendit të Kosovës kanë votuar pro themelimit të Universitetit të Shkencave Aplikative në Ferizaj.
Vendimi për themelimin e Universitetit të Ferizajt është miratuar me 51 vota e që ishte është propozuar nga Komisioni parlamentar për Arsim i Kuvendit të Kosovës.
Kryetari i Kuvendit të Kosovës Kadri Veseli ka uruar qytetarët ferizajas dhe ata të rrethinës duke thënë se edhe “Ferizaji ka nevojë për lajme të mira”.
“Duke u mbështetur në nevojat e programeve që janë më të afërta me tregun e punës duke u bazuar në praktikat Bashkimit Europian, ky është universiteti i parë në Kosovë që do të ndikojë në zhvillimin e Kosovës”, ka thënë Ministri Bajrami.
Universiteti i Ferizajt do të ketë 4 degë dhe është i akredituar për 5 vite. /tesheshi.com/
