“Qesh mirë ai që qesh i fundit”, është shprehja tipike që do t’i shkonte fitores së tashmë presidentit ukrainas Volodimir Zelensky.
Humoristi që për shumë kohë dilte në ekran duke imituar dhe përqeshur politikanët e vendit të thyer nga lufta, tani ka marrë karrigen e liderit.
Dhe po, ai qeshi i fundit dhe më së miri në momentin e daljeve të rezultateve finale nga exit-pollet e qendrave të votimit në Ukrainë.
Me sa duket qytetarët e pëlqyen potencialin politik të aktorit televiziv. Megjithatë, ata nuk janë të parët në histori.
Madje, ka pasur analistë që kanë deklaruar se përvoja e Zelensky-t në komedinë televizive jashtëzakonisht të popullarizuar është konsideruar nga ukrainasit si përvojë e mjaftueshme për të synuar postin më të lartë të vendit.
Mediat perëndimore janë “dehur” nga simpatia e popullit për fenomenin Zelensky, dhe ndodhta ky fakt do të tundojë shumë aktorë të të gjitha zhanreve për të provuar një shans politik.
Një aktor i njohur si Imran Khan arriti të bëhej kryeministër i Pakistanit, dhe për pak kohë kaloi disa nga sprovat më të ashpra që kishte të bënte me ringjalljen e konfliktin me fqinjin problematik – Indinë.
A është kjo një shenjë që komedianët duhet të merren më seriozisht, dhe se ekrani argëtues është trampolinë goxha e mirë për pushtetin?
Është e habitshme se 9% e ukrainasve besojnë se qeveria mund të ketë nxitur kandidaturën e befasishme të aktorit. Dhe meqenëse suksesi i Presidentit Donald Trump ka provuar tashmë se edhe komikët duhet të merren seriozisht, shanset mund të favorizojnë të gjithë ata që përpiqen të ironizojnë me një qeverisje të keqe.
Mbi të gjitha, të qenit humorist dhe korrekt politikisht tani nuk kanë ndonjë mur të pakapërcyeshëm. /tesheshi.com/-
