Për herë të parë, për fenomenin Trump ardhur në krye të Shtëpisë së Bardhë si presidenti i 45-të i SHBA, ka folur dhe Papa Françesku Ai i tha gazetës spanjolle Pais se nuk i pëlqen të paragjykojë njerëzit para kohe, porse mund kishte vend për t’u shqetësuar.
“Duhet të presim. Do të shohim se si do të sillet, çfarë do të ndërmarrë, dhe pastaj do të krijojmë mendimin për të. Por të frikësohesh ose të gëzohesh para kohe për diçka që mund të ndodhë në të ardhmen, nuk është e mençur. Kjo është ngjashëm sikur falltarët parashikojnë aksidentet”, tha kreu i botës katolike.
Kur u pyet për shfaqjen e liderëve populistë në SHBA dhe Evropë, Papa paralajmëroi për rrezikun e kërkimit të shpëtuesit në këto kohëra krize.
Siç shpjegoi ai, “në kohëra krize njerëzit janë në kërkim të shpëtimtarëve që do t’u kthejnë identitetin dhe të cilët mbrohen duke ndërtuar mure dhe tela me gjemba për njerëzit e tjerë.”
Sipas tij, edhe Adolf Hitleri në vitet e 30-ta të shekullit të kaluar, ishte zgjedhur nga njerëzit që kërkonin shpëtimtar në kohë të krizës ekonomike dhe politike, dhe më pas gjetën tek ai ai atë që duhet tashmë se ç’shkaktoi .
“Krizat prodhojnë frikë, dhe mendoj se shembulli më i qartë i populizmit është Gjermania e vitit 1933. Njerëzit që u përfshinë nga kriza ishin në kërkim të identitetit, derisa u shfaq lideri karizmatik (Hitleri) i cili premtoi se do t’ua kthejë atyre identitetin e humbur. Ne të gjithë e dimë se çfarë ndodhi pas”, tha Papa Françesku. /tesheshi.com/
