Fëmija i zhdukur gjendet pas 13 vitesh, e kishte rrëmbyer i ati

Julian Hernandez ishte 5 vjeç kur e ëma denoncoi në polici zhdukjen e tij. Fëmija jetonte në Alabama në Shtetet e Bashkuara dhe familja e tij nuk ka marrë më lajme për të voglin prej 28 gushtit të vitit 2002. Djaloshi është gjetur pas 13 vitesh, tashmë një 18-vjeçar në Cleveland të Ohios.

I riu, kur u paraqit për tu regjistruar në një kolegj në Jefferson zbuloi se numri i tij fiskal nuk korrespondonte me emrin. Nën akuzën e rrëmbimit u arrestua i ati i Julian.

Nëna e tij, në momentin e zhdukjes së të voglit akuzoi në mënyrë të menjëhershme të atin e djalit për rrëmbim. Bobby Hernandez sapo kishte humbur gjyqin për kujdestarinë e të birit. Pas 13 vitesh doli në shesh e vërteta në lidhje me këtë rast.

Një konsulent në shkollë, pasi ka marrë kërkesën e Julian për regjistrimin në shkollë, vendosi ti shkojë deri në fund kësaj çështje dhe zbuloi se djaloshi ishe i regjistruar në databazën e fëmijëve të zhdukur. Në atë pikë, FBI-ja kontaktoi me autoritetet lokale të qytetit në të cilin fëmija ishte zhdukur dhe ata lajmëruan nënën e fëmijës.

Bobby Hernandez është arrestuar nën akuzën e rrëmbimit të fëmijës, manipulimit të regjistrit dhe përdorimin e informacioneve false për dokumentet e identitetit të të birit./tesheshi.com/