Ndër kandidatet kryesore të demokratëve për të marrë nominimin e presidencialeve të vitit të ardhshëm, Hillary Clinton duhet të përgjigjet deri më një për skandalin e email-eve në kohën kur ishte sekretare Shteti. Hetimet për serverin privat të cilin ajo e përdori për të dërguar email-e pune janë në duart e FBI-së, ndrësa vetë Clinton pranoi të dorëzojë serverin e internetit.
Clinton ka dorëzuar më herët mijëra faqe me e-maile të Departamentit të Shtetit, por asnjëherë serverin. Ky i fundit ishte privat në shtëpinë e saj në Nju Jork.
Zbulimi se Clinton përdorte rrugë private për të dërguar emaile të saj si sekretare Shteti ka ngjallur kritika në publik, ndërsa FBI po heton nëse përmes kësaj procedure janë lënë pa siguri sekrete shtetërore.
Vetë Clinton këmbëngul se postën personale e ka përdorur për çështje private dhe kërkoi që email-et e saj të bëheshin publike. Prej asaj kohe, Departamenti i Shtetit ka publikuar email-et e saj në grupe, deri pak kohë më parë kur tha se kishte ndeshur në informacione “top secret”.
Gjithsesi, hetuesit e FBI-së do të hetojnë mbi sigurinë e serverit personal të Hillary Clinton-it, pavarësisht nëse prej tij janë dërguar vetëm letra që nuk shkelin sigurinë shtetërore. /tesheshi.com/
