Është në kufijtë e tragjikes fati i një familjeje në një fshat të Krujës dhe pikërisht në Brret. Është familja e Xhemal Balliut, e strehuar në një banesë të braktisur nga një banor vendas, e që aty jetojnë pesë antarë të familjes, pothuajse të gjithë me të meta mendore.
Jetesa e tyre të çon në mesjetë. Më shumë se varfëria, tronditës është fakti se dy vajzat e shtëpisë, Lindita 36-vjeçare dhe Dëshira 6 vjet më e vogël, kanë lindur disa fëmijë jashtë martese, afërmendsh prej “baballarësh” lapërdharë dhe horra që kanë abuzuar me të qënit e tyrë gjysëmnjeri.
Do kishin dhe më shumë të vegjël nëpër këmbë – fatkeqe dhe ata për mënyrën se si kanë ardhur në jetë dhe fatin që do i shoqërojë – nëse nuk do të ishte ndërhyrë nga mjekët gjinekologë të Krujës.
Disa prej tyre janë çuar në një shoqatë bamirëse, që të paktën atje të mund të ushqehen; dhe për ”llojin” e nënave që kanë, më mirë do ishte që të përfundonin të gjithë aty. Sepse – dhe kjo është akoma më tragjike – një nga fëmijët ka humbur jetën nga një zjarr në shtëpi dhe një tjetër nga një sëmundje, pikërisht nga pakujdesia dhe pamundësia e nënave që nuk u funksionon truri.
Deri diku, pushteti lokal është përpjekur të bëjë diçka sa ka mundur, për t`iu ardhur në ndihmë. Kur Linditës i erdhi në jetë dhe një tjetër fëmijë, për të u kujdes administrata e Bashkisë së Krujës, ku dhe emri iu vendos nga zyra e ndihmës ekonomike në këtë bashki – Mira u quajt – emrin e së cilës mban dhe kryetarja e zyrës së çështjeve sociale.
Dhe nën kujdesin e veçantë pra të bashkisë, ajo arriti të ushqehej, të vishej si duhej, e të gëzonte shëndet.
Dy motrat e sëmura kanë dhe një vëlla si vetja, që “fatin” më të madh e ka se nuk mund ta përdhunojë kush e të lind dhe ai fëmijë. Madje ai arriti dhe të martohej para pak vitesh më një grua si vetja, dy herë më të madhe në moshë, një lloj martese që nuk mundi të vazhdojë për arsye të kuptueshme.
Tragjikja e tyre sa vjen e shtohet dhe nga fati se dy prindërit e tyre janë në moshë të thyer, po ashtu dhe të sëmurë, që do të thotë se dhe pak e ata do mbeten vetëm.
Fshati kërkon që ata si familje të çohen diku, në ndonjë institucion shëndetësor, siç mund të jetë një spital psiqiatrik.
Ata kurrsesi nuk mund të lihen ta vijojnë jetën kështu, pasiqë do prodhojnë dhe fate të tjera tragjike si ata, siç janë fëmijët që u vijnë në jetë çnjerëzisht. /tesheshi.com/
Përgatiti Ahmet Zani
