Mbi 16 kilometra park, ndërtesa, kioska, infrastrukturë natyrale është parashikuar për të mbrojtur qytetin e Nju Jorkut nga Uraganët. Ky është projekti vizionar Dryline që parashikon një barrierë të vërtetë jeshile, e cila do të mbrojë qytetin nga ndryshimet e papritura klimatike.
Organet federale kanë parashikuar 335 milionë dollarë për të financuar fazën e parë të këtij plani shumë ambicioz dhe fitimprurës për një nga qytetet më të vizituara në botë.
Projekti është ideuar nga arkitekti danez Bjarke Ingels dhe parashikon 257 iniciativa për të forcuar mbrojtjen e brigjeve dhe të ndërtesave, forcimin e shërbimit dhe i bën lagjet më të sigurta dhe të jetueshme.
Barriera e gjelbër duhet të ‘përqafojë’ të gjithë zonën nga Central Park në kufijtë e Statujës së Lirisë.
Plani – Faza e parë e punimeve ka të bëjë me vendosjen e sigurisë në zonë dhe do të shtrihet në Montgomery Street, në rrugën 23, në lagjen Lower East Side. Plani i Dryline propozon, veç të tjerash, të ndërtohen shumë ura për këmbësorët, një rrugë me 6 korsi dhe panele të lëvizshme lundruese, për të përballuar stuhitë deri në urën e Bruklin. /tesheshi.com/
