Nganjëherë jeta të sfidon, fatkeqësitë të godasin, por mënyra se si Will Clark dhe shokët e tij po e përballojnë këtë situatë është frymëzuese.
Një fans futbolli, 30-vjeçar, pësoi një lëndim të rëndë në shtyllë kurrizore ndërsa merrte pjesë në një garë me biçikleta, pasi nuk i punuan frenat. Ai u plagos rëndë dhe mbeti i paralizuar që nga koka e deri tek këmbët.
Aksidenti fatkeq bëri që shumicën e gjërave në jetë mos ketë mundësi t’i kontrollojë, por Willpo dëshmon se jeta nuk ka mbaruar për të: ai po lufton shumë në mënyrë që ende të argëtohet me miqtë e tij.
Will ka krijuar një telekomandë të Play Station që i mundëson atij të luajë me miqtë futboll.
Telekomandat normalisht kontrollohen me duar, por Will nuk e ka këtë “luks”, ndaj edhe aj që përdor ka vetëm një buton dhe kontrollohet me anë të gojës. 
Karrikja e tij ka disa butona tek shpatullat si dhe telekomandën që kontrollohet nga lëvizjet e buzëve dhe të mjekrrës.
“Unë kam qenë një person aktiv, ndërsa tani me duhet të ulem ne karriken time, është shumë frustruese”, thotë Will.
“Pas aksidentit më duhet ndihma e të tjerëve për t’i kryer disa gjëra, që më herët mund t’i bëja vetë. E dashuroja gatimin, por tani të tjerët gatuajnë për mua”.
Por, ndërsa për detyrat e tjera themelore nevojiten njerëz, kjo pajisje i mundëson atij që të luajë vetë.
“Ishin disa gjëra që mendoja se kurrë nuk do të mund t’i bëj më, të luaj PlayStation ishte njëra prej tyre. Për momentin, unë luaj shumë Fifa, kam një telekomandë që me lejon të luaj, unë luaj duke përdorur mjekrën dhe disa butona që mund t’i kontrolloj me shpatulla”, thekson Will.
“Shokët e mi janë shumë konkurrues”, thotë ai.
Willnuk ka një ekip të preferuar mirëpo atij i pëlqen të luajë me Man Utd në Premier Ligë.
Edhe pse doktorët i thanë që ai nuk do të jetë më ne gjendje të luajë PlayStation për shkak të paralizës , ai i ka sfiduar mundësitë në mënyrë që të luajë lojën e tij të preferuar. /tesheshi.com/
