Një kishë greke me një histori që daton që nga mesi i viteve 1800 në krahinën veriore Giresun të Turqisë, ka qenë e ruajtur nga një familje lokale turke për vite me radhë, duke e mbrojtur të nga gjuetarët e thesarit.
E shtrirë në fshatin malor të Kırkharman, kisha nuk i është nënshtruar ndonjë restaurimi të plotë ende, por familja është përkujdesur për të që nga viti 1940. Adnan Zıvalı, 60-vjeçar, një fshatar lokal dhe babai i tij jetojnë në afërsi të kishës dhe kujdesen për të.
E mbetur në formën e saj autentike, kisha u braktis pas shkëmbimit të popullsisë midis Greqisë dhe Turqisë. Zona ku qëndron kisha ishte me popullsi të dendur dhe kishte një shkollë dhe një treg. “Ka pasur disa kisha tjera përreth, por kjo është e vetmja që qëndron ende”, thotë Kemal Gyrgenci, kreu i drejtorisë lokale të kulturës.
Familjes i duhet të lëshojë fshatin malor gjatë dimrit të ashpër, megjithatë, Zivali shkon për të kontrolluar atë herë pas here, pasi ndodh që disa gjuetarë të thesarit të shkojnë në kishë. Zona brenda e kishës ka dekorime të bukura, një produkt i artizanëve greke që kanë jetuar atje vjet më parë. Gjyshi i Zivalit ishte vendosur në fshatin malor në vitin 1938 dhe që atëherë familja është vënë në mbrojtje të kishës aq sa të jetë e mundur.
“Familja ka mbajtur gjuetarët e thesarit larg. Kisha u përdor përkohësisht si një strukturë magazinimi në të kaluarën,” tregon Gyrgenci, duke shtuar se kisha duhet t’i nënshtrohet restaurimit të plotë për ta promovuar atë më mirë si një atraksion turistik. /tesheshi.com/
