Një çantë e mbushur me para është gjetur në Llogara nga një familje shqiptare, e cila më pas e ka dorëzuar pranë policisë.
Gjesti i rrallë në kohët e sotme, mund të ketë habitur edhe uniformat blu, pot ë kihet parasysh fakti se në çantë ka pasur 115 mijë euro.
Çanta është gjetur në zonën ku hidhen parashutat, ndërsa për të ishte bërë një denoncim në polici.
Pas dorëzimit të çantës, policia nisi hetimet për gjetjen e pronarëve të saj dhe sasisë së parave, që rezultojnë se janë një çift ukrainas.
Por nga hetimi ka rezultuar se ukrahinasit S.M., 62 vjeçe, dhe P.K., 57 vjeç, gjatë hyrjes në territorin shqiptar përmes pikës së kalimit kufitar të Rinasit, nuk kanë deklaruar shumën e parave.
Në këto kushte, policia ka sekuestruar në cilësinë e provës materiale shumën e vlerave monetare, ndërsa lidhur me këtë ngjarje, materialet hetimore janë referuar në Prokurori për veprën penale ”Mosdeklarimi në kufi i të hollave dhe i sendeve me vlerë”. /tesheshi.com/
