Për shkak të një avarie të shkurtër në rrjetin social Facebook, ditën e premte, u shpall vdekja e miliona përdoruesve të saj, përfshi edhe themeluesin e Facebook Mark Zukemberg.
Në hyrje të profileve personale të shumë përdoruesve të këtij rrjeti u shfaq një tabelë përkujtimore që thoshte ‘’në përkujtim’’ të jetës së tyre dhe i bënte thirrje përdoruesve të këtij rrjeti social që ti ngushëllonin ata dhe mos ti harronin. Ashtu siç në rastin e Zukembergut ajo tha: ‘’Shpresojmë që njerëzit të cilët e duan Markun të ndjehen mirë në gjërat që shpërndajnë të tjerët në përkujtim të jetës së tij.’’
Mirëpo i shpejt ishte edhe reagimi rrjetit që u justifikua për këtë problem kur tha: ‘’Me të vërtetë ky gabim fatal ka ndodhur. Tashmë ne e rregulluam atë problem tashmë. Ndjejmë keqardhje për çka ndodhi’’ –duke sqaruar problemin që lidh protokollin e veçantë që shfaqet në rastet përkujtimore të faqes së përdoruesve kur ata vdesin realisht.
Theksojmë se Facebook i lejon përdoruesve të vet që t’i transferojnë dosjet e tyre personale në faqet përkujtimore pasi ata kanë vdekur. Nga këtu përdoruesit e tjerë kanë mundësinë që të përhapin nekrologjinë e këtyre të vdekurve në faqet e veta.
Gjithashtu, përdoruesve i lejohet që të rivitalizojnë adresat e anëtarëve të familjes së tyre apo të miqve të vdekur nëpërmjet një kërkese zyrtare e cila vërteton ndodhinë e vdekjes dhe datën e saj, si përshembull duke e lidhur me dëshminë e nekrologjisë të vdekjes etj. Nëse kjo kërkesë miratohet nga palët relevante, atëherë fjala ‘’rikujto’’ shfaqet përkrah emrit të personit.
Deri në këtë moment nuk dihet shkaku i këtij problemi i cili çoi në shfaqjen e nekrologjisë, e as është bërë i qartë numri i përdoruesve që u prekën nga kjo gjë, duke ditur se në total përdoruesit aktiv të rrjetit më të madh social botëror ka kapur shifrën e 1.79 miliard përdorues. /tesheshi.com/
