Në Tianjin janë evakuuar të gjithë personat që ndodhen tre kilometra rreth vatrës së shpërthimit të disa ditëve më parë, e që shkaktoi, sipas një bilanci të ri, 85 të vdekur.
Autoritetet nuk kanë dhënë shpjegime për këtë masë, mirëpo mediat kineze thonë se në zonën e shpërthimit, ajri është i ndotur me një substancë kimike, cianur sodiumi ë në kontakt me ujin ndizet. Prania e kësaj substance dhe lëndëve të tjera kimike helmuese në magazinën ku ndodhi shpërthimi u denoncua nga GreenPeace për Azinë disa muaj më parë.
Ndërkohë në zonën e shpërthimit janë arritur të shmangen edhe disa shpërthime të tjera, ndërsa ka druajtje se bilanci i viktimave mund të rritet në ditët që vijnë për shkak me qindra njerëz ndodhen edne të shtruar në spitale.
Policia dhe ushtria kontrollojnë në vijimësi zonën e shpërthimit me helikopterë. Familjarët e zjarrfikësve që humbën jetën në detyrë kanë kërkuar me anë të një conference shtypi, gjetjen e trupave të të dashurve të tyre.
Funksionarët kanë komunikuar rritjen e bilancit të viktimave në 85 persona, mes të cilëve edhe 21 zjarrfikës. Punonjës të tjerë zharrfikës konsiderohen të zhdukur. 720 persona janë plagosur në serinë e shpërthimeve të fuqishme që kanë lënë pas edhe mjaft pikëpyetje. /tesheshi.com/
