Europa është mbërthyer nga i nxehti, ndërsa temperaturat në disa shtete kanë kaluar edhe 40 grade celcius.
Italia, Franca dhe Spanja, si dhe 11 vende të tjera europiane kanë paralajmëruar turistët dhe banorët që të marrin masa.
Edhe vendet më në veri të kontinentit si Gjermania, Britania etj, i kanë ndier temperaturat e kësaj vere, megjithëse jo aq të larta sa pjesa tjetër.
Meteorologët presin edhe disa ditë të tjera të nxehta në vijim, dhe sikur kjo të mos mjaftonte, shkencëtarët parashikojnë një të ardhme të zymtë të kontinentit të vjetër për sa i takon të nxehtit që lidhet me ndryshimet klimaterike.
Sipas një studimi të fundit, nëse nuk bëhet asgjë për të reduktuar efektet e ndryshimeve klimaterike, në vitin 2100 i nxehti në Europë do të vrasë mbi 150 000 njerëz në vit. Kjo shifër është 50 herë më e madhe se aktualja. /tesheshi.com/
