Televizioni europian Euronews, që financohet nga 28 vendet anëtare të BE-së, ka konfirmuar në një reportzh të tij se i gjithë skenari në “Lagjen e Trimave” në Kumanovë ishte një teatër i vënë në skenë nga shërbimet sekrete të Shkupit.
Një konfirmim i shkrimit ekskluziv i tesheshi.com, që i referohej burimeve të agjencive të njohura ndërkombëtare. Në këtë shkrim të datës 15 maj theksohej se dy agjentë shqiptarë të shërbimit maqedonas paguan nga 100 mijë euro për grupin e armatosur në Kumanovë.
Televizioni euronews në reportazhin e tij hedh dyshime se në ngjarje mund të jenë përfshirë shërbimet sekrete maqedonase.
Rrjeti informativ evropian “Euronews” i është rikthyer ngjarjeve dramatike në Kumanovë, ku mbetën të vdekur 22 persona, 14 shqiptar dhe 8 policë maqedonas.
Nëpërmjet një kronike të realizuar nga vendi i ngjarjes së 9 majit, “Euronews” hedh dyshime për shkaqet e saj. Në këtë reportazh hidhen dyshime se në ngjarje mund të jenë përfshirë shërbimet sekrete maqedonase, të cilët mund të kenë negociuar dhe organizuar këtë ngjarje të rëndë.
“Ka gjithnjë e më shumë dëshmi se shërbimet sekrete maqedonase, apo elementë të këtyre shërbimeve ishin përfshirë në negocim, madje edhe në organizimin e gjithë asaj çka ndodhi”.
“Dhuna ndëretnike ka mbërthyer sërish Ballkanin pas përplasjes së fundit mes policisë dhe militantëve shqiptar në veri të ish-Republikës Jugosllave të Maqedonisë. Të paktën 10 burra, disa prej tyre veteranë të Ushtrisë Çlirimtare të Kosovës, u vranë kur policia filloi bastisjen e qytetit të Kumanovës, të afërsi të kufirit me Kosovën. Tetë policë vdiqën gjithashtu në operacionin e 9 majit”, thuhet në reportazh. Duke cituar shifrat zyrtare të qeverisë maqedonase, “Euronews” i incidenti u shit si shkak i tensioneve ndëretnike midis shqiptarëve pakicë (edhe pse janë mbi 30%) dhe maqedonasve që përbëjnë shumicën.
“Tensionet ndëretnike midis pakicës shqiptare dhe komuniteteve shumicë jo shqiptare i cituan si shkak. Shqiptarët vendas janë ankuar gjatë se trajtohen si qytetarët të dorës së dytë nga shtetit. Por, shumë maqedonas besojnë se shkaku i vërtetë i incidentit më të rëndë në 14 vitet e fundit në rajon kanë të bëjnë më shumë me intrigat politike sesa me grindjet ndëretnike. Ata besojnë se qeveria e tyre, me skandalet e fundit, ka pasur dorë në provokimin e ngjarjes”.
.
Linku i reportazhit të euronews
