Euroferry Olympia: gjendet trup i djegur brenda një kamioni

Mbeten 10 të zhdukur nga drama detare në ujrat e Korfuzit

Trupi i djegur i një burri është gjetur pasditen e sotme në garazhin 2 të Euroferry Olympia në flakë nga personat e EMAK-ut grek.

Sipas informacioneve, shkarkimet e gazeve toksike brenda anijes kanë rënë dhe kështu shpëtimtarët e EMAK kanë arritur të futen në garazhin 2.

Aty e gjetën kufomën e djegur në një kabinë kamioni.

Më herët është shpëtuar një 21-vjeçar nga Bjellorusia i një kamioni me targa lituaneze.

Përfaqësuesi i Rojës Bregdetare, kapiteni Nikos Alexiou, duke folur për SKAI-n, ishte shprehur optimist se në anijen e djegur do të gjenden të mbijetuar të tjerë dhe për këtë operacioni i shpëtimit vazhdon.

Pas shpëtimit të shoferit bjellorus, por edhe tragjedisë me kufomën e djegur, numri i të zhdukurve shkon në dhjetë.

Pak pas orës 15, shpëtimtarët e EMAK-ut u desh të hipnin sërish në anije, duke kërkuar të mbijetuar.

Me rënien e temperaturës për shkak të procesit të vazhdueshëm të ftohjes së anijes me ujë, ata hapën dyert e zjarrit që të çonin në garazhin 2 dhe e gjetën atë të mbushur me gaze toksike.

Dyert e garazhit mbyllen kur anija lundron dhe hapen vetëm me kodet e ekuipazhit. /tesheshi.com/

https://youtu.be/ap59YNUu6lI