Qytetarët turq kanë ndjenja ambivalente për mundësinë e anëtarësimit të vendit të tyre në Bashkimin Europian, sugjeron një sondazh i realizuar nga agjencia e BE-së, Eurobarometri.
Pjesëmarrësit në sondazh të pyetur nëse anëtarësimi i Turqisë në BE do të ishte një “gjë e mirë” apo “gjë e keqe”, në 40 për qind të tyre thanë se do ishte “gjë e keqe”. Vetëm 33 për qind u përgjigjën se do të ishte një “gjë e mirë”, me një rritje prej 5 për qind krahasimisht me rezultatet e sondazhit të Eurobarometrit gjashtë muaj më parë.
Sidoqoftë, 55 për qind e pjesëmarrësve thanë gjithashtu se Turqia do të përfitonte nga të qënit anëtar i BE-së, me një rritje prej 19 për qind nga sondazhi i mëparshëm. 26 për qind thanë se vendi nuk do të përfitonte nga anëtarësimi në bllokun 28-anëtarësh.
Sondazhi është kryer në datat nga 16 deri në 27 Maj.
Bisedimet e anëtarësimit të Turqisë në BE nisën në vitin 2005 dhe nga 35 kapituj politikash që duhen konsultuar, janë hapur 14 prej tyre ndërsa 17 mbeten të bllokuara. Mes këtyre kapitujve janë ato për politikat monetare dhe ekonomike si dhe kapitulli për arsimin dhe kulturën.
Por, Qiproja mbetet problem kryesor politik që bëhet pengesë për pranimin e Turqisë. /tesheshi.com/
