ESPN zbulon personat më me ndikim në futboll: Platini i pari, Messi i 5-ti, Ronaldo i 9-ti

Presidenti i UEFA-s, Michel Platini është personi më me ndikim në botën e futbollit. Pas tij vjen portugezi Jorge Mendes i njohur ndryshe si “superagjenti”. Vendi i tretë është i rezervuar për kreun e ligës më të ndjekur në botë atë të Anglisë, Scudamore. Yjet e tjera të futbollit si Messi e Ronaldo rradhitën poshtë këtyre personaliteteve.

Mediumi i njohur amerikan ESPN ka realizuar këto ditë një anketë lidhur 50 personalitetet (meshkuj dhe femra) më me ndikim në botën e futbollit sot për sot. Lista e pyetjeve ka qenë e përpiluar nga redaktorët e mediumit ESPN dhe anketuesit kanë qenë gjithë andej botës. Michel Platini ka qenë kandidati më i përmendur nga anketuesit duke e bërë atë të jetë në krye të listës dhe njëherësh top favorit për të marrë pozitën e të parit të FIFA-s, pas largimit të Sepp Blaterit.

Jorge Mendes, menaxheri i shumë futbollistëve të njohur në mesin e tyre edhe Cristiano Ronaldos është i dyti në listë dhe jo rastësisht. Ai ka kryer transferimet më të mëdha në histori me shuma marramendëse parash. Veçohet transferi rekord i Cristiano Ronaldos, Angel Di Marias, Radamel Falcaos, Diego Costas apo Mangalas. Mendes gjithashtu ka në menaxhim edhe trajnerë të njohur si Jose Mourinho.

Richard Scuadmore, presidenti i Ligës angleze zë venedin e tretë falë marrëveshjes rekorde me kompanitë BT dhe Sky, lidhur me të drejtat televizive të cilat mbajnë shifra rekorde për transmetim.

Karl Heinz Rummenige, vjen menjëherë në vendin e katërt falë drejtimit të mirë të skuadrës gjermane Bayern Mynih. Bavarezët janë ngritur në piedestalin më të lartë të futbollit europian (2013 e arritën edhe tripletën), dhe gjithashtu në nivelin ekonomik si një ndër skuadra me buxhetin më të madh në Europë.

Lionel Messi është futbollisti i parë në mesin e personave më me ndikim në botën e futbollit.

Ndërkohë në ranklistën e përgjithshme argjentinasi është i pesti më radhë. Kontrata e tij e fundit prej 41.7 dollarë në sezon e bënë këtë sukses të jetë edhe më i madh.

Florentino Perez, presidenti i Real Madridit është spanjolli i parë i renditur në mesin e personave më me ndikim në botën e futbollit, ndërkohë në ranklistë është i gjashti. Spanjolli tjetër por që drejton një skuadër gjermane, Josep Guardiola zë vendin e 11-të.

Cristiano Ronaldo është futbollisti i dyti i renditur në këtë listë, ndërkohë që zë vendin e nëntë. Menjëherë pas tij vjen Gianni Infantino, dora e djathtë e Michael Platini.

Në anketën e realizuar nga EPSN, trajneri portugez Jose Mourinho zë vendin e 26-të, Johan Cruyff (28) dhe Peter Lim (25). Befasi tjetër e këndshme ishte edhe përfshirja në listën e Jaume Roures, presidentit të “Mediapro”, medium që ka të drejtën e transmetimit të ndeshjeve në Kampionatin spanjoll, ndërkohë Presidenti i këtij kampionati Javier Tebas është i renditur i 32-ti.

Lista e plotë: