Presidenti turk, Recep Tayyip Erdogan pritet të udhëtojë të mërkurën drejt Moskës, për një vizitë njëditore, gjatë së cilës do të inagurojë edhe xhaminë qendrore të Moskës.
Ai takon në këtë vizitë homologun rus, Vladimir Putin me të cilin do të bisedojë për krizën në Siri dhe probleme të tjera rajonale.
Ashtu si edhe ishte paralajmëruar, vizita e Erdogan do të shënojë edhe inagurimin e xhamisë qendrore të Moskës, më 23 Shtator, në prag të festës së Kurban Bajramit.
Mes të ftuarve pritet të jetë edhe presidenti palestinez, Mahmud Abaz.
Xhamia e njohur si Xhamia-Katedrale e Moskës, apo xhamia Jum’ah e Moskës, ishte shembur katër vjet më parë, por tashmë është rindërtuar me kapacitet për 10 mijë besimtarë.
Xhamia e rindërtuar ka një kompleks të ri 20 herë më të madh sesa ai i mëparshmi me 19 mijë metra katrorë.
Agjencia e drejtorisë religjioze në qeverinë turke, Diyanet Foundation, ka ndihmuar në rindërtimin e mjediseve të brendshme të xhamisë. /tesheshi.com/
