Ky është megaprojekti më i ri në këtë qytet turk, njofton AFP.
Në një video të publikuar nga presidenca turke, shihet presidenti turk, Erdogan duke bërë ecjen e parë nëpër tunelin e emërtuar “EuroAzia”, i shoqëruar nga kryeministrin Binali Jildirim dhe ministri për Komunikacion, Ahmet Arslan.
“Sot kemi kryer testin e fundit të ecjes nëpër njërin prej projekteve më historike turke”, tha Erdogan.
Ndërtimi i tunelit pesë kilometra i gjatë, në dy nivele, i cili do të jetë i hapur për publikun me 20 dhjetor, ka filluar në shkurt të vitit 2011.
“Me këtë tunel, nga njëri skaj i Stambollit në tjetrin, në vend të 100 minutave, drejtuesit e automjeteve do mund të arrijnë brenda 15 minuta”, thuhet në faqen e internetit të presidencës.
Ministri Arslan ka thënë se tarifa për kalimin në tunel do të jetë 4 euro plus tatimi.
“Tuneli do të lehtësojë ndjeshëm trafikun e rënduar në qendrën ekonomike të Turqisë”, ka thënë Jildirim.
“’EuroAzia’ është tuneli më i thellë nëntokësor në botë”, ka shtuar më tej shefi i qeverisë së Ankarasë.
Ekspertët të cilët kanë punuar në ndërtimin e tunelit thonë se ky projekt do të ndikojë në uljen e konsumit të karburantit, dhe rrjedhimisht edhe në emitimin e të gazrave të dëmshëm.
Ky projekt ka kushtuar rreth 1,25 miliard dollarë, sipas të të dhënave të faqes zyrtare të projektit.
Fjala është për më të riun në vazhdën e projekteve kryesore për Stambollin, përfshirë aeroportin e tretë, i cili pritet të hapet në tremujorin e vitit 2018.
Erdogan, që njëherësh ka qenë ish-kryebashkiak I këtij metropoli edhe botëror, në gusht hapi zyrtarisht urën e tretë në këtë qytet, një prej më të gjatave në botë, e cila kalon përgjatë Bosforit. /tesheshi.com/
