Presidenti Erdogan takoi të hënën në Pallatin Presidencial një vajzë 4-vjeçare, pasi një video e saj duke qarë për shkak se ajo nuk pati mundësi ta takonte, u shpërnda në mënyrë virale.
Irmak Ayşe İstek ishte në mesin e fëmijëve të zgjedhur që pritej ta takonin Erdoganin gjatë vizitës së presidentit në qytetin qendror të Yozgat në fillim të janarit, por takimi i tij u anullua kur atij iu desh të largohej më herët për shkak të motit të keq në rajon. Nëna e vajzës kishte postuar një video në internet që tregon vajzën në lot, duke thënë se ajo e donte Erdoganin.
Erdogan bëri një telefonatë më parë këtë javë. Pasi e ngushëlloi vajzën, e pyeti se si po i shkonte mësimi në shkollë dhe u zotua ta takonte javën e ardhshme. Kur vajza i tha se ishte shumë e emocionuar ta takonte, Erdogani u përgjigj: “Edhe unë jam shumë i emocionuar për takimin”.
I shoqëruar nga prindërit e saj, Irmak realizoi ëndrrën e saj për të takuar presidentin në Pallatin Presidencial, ku Erdogan i dhuroi vajzës një biçikletë dhe një triko të ekipit të futbollit të qytetit të saj të lindjes, Yozgatspor. /tesheshi.com/
Ndiqeni pritjen:
https://youtu.be/B3L1Iq2ZGCQ
