Në një intervistë dhënë për The New York Times, presidenti Erdogan i ka kujtuar homologut Trump nderet gjeopolitike të vendit të tij në kuadër të partneritetit në Aleancën Atlantike.
I intervistuar në kuadër të krizës së rëndë që po kalojnë raportet Ankara – Uashington, ku administrata amerikane po tenton ta godasë vendin e madh euro-aziatik në ekonominë e saj me zhvlerësimin e lirës, presidenti turk tha se “Turqia i ka dalë krah SHBA-ve për vite me radhë për të ndihmuar sa herë që nevojitet. Në vitin 1962, administrata e Kennedy arriti të largojë raketat sovjetike nga Kuba duke hequr raketat Jupiter nga Italia dhe Turqia. Pas sulmeve terroriste më 11 korrik, Uashingtoni ishte duke pritur që miqtë dhe aleatët e saj të dërgonin një përgjigje për autorët e kësaj të keqeje. Ne pastaj, njësitë tona ushtarake në kuadër të misionit paqeruajtës të NATO-s, shkuan në Afganistan”, tha Erdogan, duke theksuar se pavarësisht gjithë kësaj, SHBA-ja nuk është në gjendje të kuptojë dhe të respektojnë shqetësimet e popullit turk.
Ai shtoi se partneriteti i dy vendeve në vitet e fundit është ekspozuar ndaj testeve të vazhdueshme përmes keqkuptimeve në anën amerikane.
“Në qoftë se Shtetet e Bashkuara nuk fillojnë të respektojnë sovranitetin e Turqisë dhe nuk provojnë se ata i kuptojnë rreziqet me të cilat përballet kombi ynë, partneriteti ynë mund të jetë në rrezik”, tha Erdogan.
Erdogan tha se Turqia 15 korrik 2016, u sulmua nga një organizatë terroriste si FETO, e udhëhequr nga Fetullah Gulen, i cili jeton në në shtetin amerikan të Pensilvanisë.
“Njerëzit e FETO-s u përpoqën t’i jepnin një goditje të përgjakshme qeverisë sime. Atë natë, miliona qytetarëve tanë dolën në rrugë, ashtu siç janë, pa dyshim edhe banorët e Shteteve të Bashkuara të cilët kanë një ndjenjë besnikërie ndaj atdheut, siç e treguan pas Pearl Harbor-it dhe 11 Shtatorit. Për lirinë e vendit tone, 251 shtetas e paguan me jëtë. Në mesin e tyre ishte shoku im i vjetër Erol Olçak dhe djalin e tij, Abdullah Tajjip Olçak. Populli turk kërkoi që Shtetet e Bashkuara ta dënojnë ashpër këtë sulm dhe të shprehin solidaritet me një qeveri demokratike. SHBA nuk e bëri këtë. Reagimi i SHBA-ve ishte shumë relaksues. Në vend që të qëndrojnë në këmbë ndaj demokracisë turke, zyrtarët amerikanë kanë bërë thirrje me kujdes për ‘stabilitetin, paqen dhe vazhdimësinë brenda Turqisë’. Për t’i bërë gjërat edhe më keq, pavarësisht ekzistencës së një marrëveshjeje dypalëshe, nuk është arritur ndonjë përparim në lidhje me kërkesat e Turqisë për ekstradimin Fetullah Gulenit”, tha Erdogan.
Një tjetër zhgënjim në marrëdhëniet midis Turqisë dhe Shteteve të Bashkuara, siç tha ai Erdogan është se SHBA mbështesin PYD / YPG-in, zgjatimin sirian të organizatës terroriste PKK.
“Qeveria ime përsëri ka shprehur shqetësim lidhur me sigurimin amerikan të mbështetjes në trajnime dhe pajisje për aleatët e PKK në territorin sirian. Për fat të keq, kërkesat tona ranë një vesh shurdhër dhe armët amerikane u përdorurën në sulmet mbi popullsinë tonë civile, si dhe në forcat e sigurisë në Siri, Irak dhe Turqi”, theksoi Erdogan.
Erdogan ka thënë se Uashingtoni në ditët e fundit është duke marrë hapa për të eskaluar tensionet me Turqinë, dhe si shkas po përdoret rasti i priftit amerikan Andreë Brunson, i cili mbahet i arrestuar nga autoritetet turke me akuza për terrorizëm.
“Çdo përpjekje për të detyruar qeverinë time për të ndërhyrë në procesin ligjor, nuk është në përputhje me kushtetutën tonë, as vlerat e përbashkëta demokratike”, theksoi ndër të tjera kreu i shtetit turk. /tesheshi.com/
