Presidenti turk Rexhep Tajip Erdogan njoftoi të hënën se ndërtimi i njësive të banimit për familjet e mbetura të pastreha në rajonet e goditura nga tërmetet shkatërruese të 6 shkurtit do të fillojë në mars.
Gjatë një vizite në Hatay, një provincë e goditur nga tërmetet, ai njoftoi para gazetarëve se ndërtimi i afro 200,000 shtëpive për viktimat e tërmetit do të fillojë në provincat e Adana, Adiyaman, Diyarbakir, Gaziantep, Hatay, Kahramanmaras, Kilis, Malatya, Osmaniye, Sanliurfa dhe Elazig.
Ai tha se nevoja për strehim për më shumë se 1.68 milionë persona të prekur nga tërmeti është plotësuar, transmeton Anadolia.
114,834 njerëz u shpëtuan nga rrënojat
“Qytetarët e vendosur përkohësisht në kontejnerë strehimi dhe vendbanime me tenda po planifikojnë të zhvendosen në strehimin e tyre të përhershëm brenda vitit,” tha Erdogan.
Presidenti turk njoftoi gjithashtu se ekipet e shpëtimit shpëtuan 114,834 njerëz nga rrënojat pas tërmetit.
Të paktën 41.156 njerëz vdiqën dhe 105.505 u plagosën si pasojë e tërmeteve shkatërruese me qendër në Kahramanmaras.
Në veri të Sirisë fqinje, të paktën 5,840 njerëz u vranë nga tërmetet. /tesheshi.com/
