Presidenti i Turqisë, Presidenti i Republikës, Recep Tayyp Erdogan, mbërriti në Tiranë për një vizitë zyrtare një ditore, në krye të një delegacioni ku marrin pjesë mbi 100 industrialistë të njohur turq. Pas mbërritjes në Rinas ku u prit nga shefi i diplomacisë shqiptare, kreu i shtetit turk, iu rezervua ceremoni shtetërore nga homologu i tij shqiptar, Bujar Nishani, në selinë e Presidencës.
Erdogan kryeson një delegacion zyrtarësh dhe investitorësh turq të interesuar për investime në Shqipëri. Pas takimit kokë më kokë, dy presidentët do të dalin në një konferencë të përbashkët për shtyp, ndërkohë që në orën 15:00 Erdogan do të përurojë nisjen e punimeve në Xhaminë e Namazgjasë, ku Komuniteti Mysliman turk ka dhënë 30 milion euro për ndërtimin e saj. Më pas, në orët e pasdites Erdogan dhe Nishani do të marrin pjesë në forumin e përbashkët të biznesit Shqipëri-Turqi.
