Epopeja e atentateve në vargje: Nga telenovela “Doshi”, tek multiplikativi “Fufi”

Nga Ali Pyka

Të martën në mbrëmje pamë një njoftim

U zgjua Fufi, hajde aferim

Do dal për mediat, do të flas hapur

Për hallin e madh që më ka kapur

*            *           *

Por s’është humor, nuk ësht as çudi

Se ky njoftim na erdhi nga një seli

PD mbante siglën ky lajm i rrallë

Ndaj hapa sytë, vallë ç’paska ngjarë

*          *           *

Me sa di unë, Mhil ti je si mollë e kuqe

Je burrë i besës, je burrë pa huqe

Po pse le të tjerët të flasin për ty

Sikur s’ke gojë, veshë edhe sy

*           *           *

Je deputet, këtë s’ta mohojmë

Ta duash fort PD, këtë ta kërkojmë

Po fol me zërin tënd, jo me imail

Se veten tënde e bëre rezil

*           *          *

C’punë ka PD, apo zëdhënësi i saj

Firmosin imail-in për ty or dajë

E ty s’të shohim, ky je, ku flet

Për ty foli PD, kjo është e vërtetë

*           *         *

S’po i hyjmë pastaj çfarë thoshte njoftimi

Na humbi deputeti, Mhill trimi

S’dije asgjë ti për atentatet

Kush paguante e kush lante mëkatet

*           *          *

Deputetet shpifin gjithçka për mua

Kështu flet PD me fjalët e tua

Dhe ti kërkon hetim të pavarur

Të dalë e drejta, se une jam i pa lagur

*            *          *

S’di si ta quajmë këtë telenovelë

Emër të madh ka, ashtu si përherë

Po më mirë themi të jetë tele-Cufo

Se ti na dole si te jesh një Ufo