Gjenerali në pension, John Allen, përfaqësues special i Presidentit të SHBA-ve, Barack Obama, për koalicionin global kundër ISIS(DAESH-it), po realizon në Ankara kontakte lidhur me bashkëpunimin në luftën kundër organizatës terroriste.
Sipas informacioneve me burim Ambasadën e Shteteve të Bashkuara të Amerikës në kryeqytetin turk, John Allen po diskuton me autoritetet ushtarake dhe politike të Ankarasë për bashkëpunimin në lidhje me ndalimin e përparimit të organizatës terroriste ISIS (DAESH) dhe mposhtjen e saj.
Në mbledhjen e zhvilluar të hënën në Pentagon me ekipin e sigurisë kombëtare amerikane, Presidenti Obama kishte theksuar se “duhet bërë më shumë për trajnimin dhe pajisjen e opozitës së moderuar në Siri”.
Sakaq, sekretari amerikan i Mbrojtjes, Ashton Carter dhe Shefi i Shtabit të Përgjithshëm, Martin Dempsey, do t’i drejtohen sot Komitetit të Shërbimeve të Armatosura të Senatit në sesionin me temë “Strategjia Luftarake e SHBA-ve kundër ISIS”.
