Kongresi nuk do të mbështesë SHBA ndërhyrjen ushtarake në Venezuelë, pavarësisht deklaratave të presidentit Donald Trump në lidhje me një mundësi të tillë – tha kryetari i Komitetit të Punëve të Jashtme të Dhomës së Përfqsuesve, Eliot Engel.
“Unë jam i shqetësuar në lidhje me paralajmërimet presidentit dhe dua të jem i qartë para të gjithëve: ndërhyrja ushtarake nuk është një opsion”, tha ai në fillim të seancës para Komisionit për temën e situatës politike në Venezuelë, sipas Reuters.
Engel paralajmëroi për efektet e mundshme negative mbi qytetarët e Venezuelës për shkak të vendimit të Shteteve të Bashkuara për të vendosur sanksione në kompaninë shtetërore të naftës – PDVSA, si për të kufizuar qasjen në të ardhurat nga nafta për presidentin Nicolas Maduro.
“Unë mbështes nevojën për presion ndaj Maduros, por Shtëpia e Bardhë duhet të marrë parasysh pasojat e mundshme të sanksioneve të tilla mbi popullin Venezuelës”, tha Engel.
Trump tha të dielën se nuk përjashton mundësinë e përdorimit të forcave të armatosura amerikane në Venezuelë. /tesheshi.com/
