Përballja më e jashtëzakonshme e vitit, ajo mes Realit të Madridit dhe Barcelonës, po afrohet, ndërkohë që futbollistët e të dy klubeve kanë dhënë shenjat e para se lufta po nis.
Eshtë qendërmbrojtësi i Barcelonës, Gerard Pique, ai që e ka filluar betejën e fjalëve, duke thënë se futbollistët katalanas janë të etur për ta luajtur këtë sfidë.
“Po shkojmë në Bernabeu me formën më të mirë, por kjo nuk do të thotë asgjë. Eshtë një ndeshje e veçantë, dhe mezi presim për të luajtur, pasi ne, si futbollistë, jemi të etur për kësi sfidash,” theksoi Pique.
E shpejtë ka qenë përgjigjja e një prej kundërshtarëve, i cili luan po në repartin e mbrojtjes, Sergio Ramos-it, që deklaroi se kurrë nuk ka qenë i etur për këtë ndeshje, megjithëse e kupton shumë mirë rëndësinë e saj.
“Nuk kam qenë i etur asnjëherë për këtë ndeshje. Për më tepër, kam kënaqësinë të luaj gjithmonë në El Clasico, pasi është njër ndër ndeshjet më të mëdha në glob,” ka replikuar ai. /tesheshi.com/
