Sulmuesi i Barcelones do i futet “briskut” në pasditen e së martës për shkak të problemeve në veshkë.
Siç njoftojnë mediumet e afërta me klubin blaugrana, Messi do mungojë duelin kthyes ndaj skuadrës së Valencia-s, në kuadër të gjysmëfinales së Kupës së Mbretit.
Argjentinasi nuk është në formën më të mirë fizike që nga rikthimi i tij nga Japonia, me ç’rast kishte fituar kupën e botës për klube me Barcelonën.
Me të zbarkuar në Barcelonë, Messi vazhdimisht ka patur probleme të ndryshme fizike, derisa ky i fundit është i një natyre tjetër.
Messi do të operohet në veshkë, megjithëse ky lloj operimi nuk parashihet të jetë i rrezikshëm dhe do ta mbajë vetëm disa ditë larg fushave të blerta. /tesheshi.com/
