Ndeshja e xhiros së parë kualifikuese për Champions League mes Boracit të Banja Lukës në Bosnje dhe Egnatias është ndërprerë në minutën e 70-të kur rezultati ishte 0:0.
Tifozët serbë e Boracit, ekipit të kryeqendrës serbe të Bosnjës, brohoritën “Kosovë-Serbi”, por pas reagimit të pankinës së skuadrës shqiptare dhe presionit ndaj arbitrit Stefanski, ndeshja u ndërpre.
Lojtarët e Egnatia u larguan nga fusha, por nuk shkuan në dhomën e zhveshjes.
Daniel Stefanski, arbitri nga Polonia, pas bisedimeve të gjata me shqiptarët i ka rikthyer lojtarët në fushë.
Ndeshja rifilloi pas një pushimi prej 10 minutash.
Ajo vijoi duke qenë e gjitha një paradoks, ku ndaj ekipit rrogozhinas u nxorrën dy kartonë të kuq, ndërsa një gol ndaj tyre u shënua në minutën e 96-të. Pra, Egnatia humbi minimalisht, me shansin e madh që ta përmbysë këtë rezultat në ndeshjen e kthimit, edhe atdhetarisht. /tesheshi.com/
