Forcat e sigurisë egjiptiane, vranë gabimisht 12 persona, mes të cilëve edhe turistë meksikanë, gjatë një operacioni antiterror.
Ngjarja u konfirmua edhe nga burime zyrtare.
Turistët udhëtonin me katër automjete që hynë në zonën e kufizuar për kalim, Wahat në shkretëtirën perëndimore. Sipas njoftimit të ministrisë së Brendshme, dhjetë meksikanë dhe egjiptianë kanë mbetur të plagosur në këtë ngjarje, dhe po trajtohen në spital.
Tashmë, autoritetet kanë nisur të hetojnë për incidentin. Presidenti i Meksikës, Enrique Pena Nieto dënoi incidentin dhe tha se ka kërkuar hetim të detajuar nga ana e qeverisë egjiptiane.
Sipas Meksikës, janë vrarë të paktën dy shtetas të saj, por rrethanat e ngjarjes mbeten të paqarta sikundër edhe numri i viktimave mes turistëve. /te sheshi.com/
