Pak orë pas takimit me ambasadorin e SHBA-së, Donald Lu, kreu i opozitës, Lulzim Basha deklaron se është gati të marrë të gjitha përgjegjësitë për zbatimin e Vetingut dhe Reformën në Drejtësi.
“Do i heqim këto pengesa për integrimin e vendit. Do zbatojmë reformën në drejtësi, ashtu siç e parashikon Kushtetuta, për largimin e kriminelëve, luftën kundër drogës dhe garantimin e zgjedhjeve të lira e të ndershme”, u shpreh Basha, në një deklaratë për mediat, pas mbledhjes së grupit të PD-së.
Sipas tij, 6 muaj para zgjedhjeve, BE-ja i jep “shuplakë” qeverisë se nuk ka përmbushur detyrimet, 5 kriteret kyçe, ku sipas tij problemet më të mëdha janë droga dhe korrupsioni në vend.
Basha tha se vendi është përfshirë nga një gjendje e rëndë, ndërsa akuzon kryeministrin se nuk pranon të marrë përgjegjësisë.
“Komisioni Evropian publikoi konkluzionet e veta, kurse gjendja në vend shumë e rëndë. Rama po përpiqet ta shesë gjendjen ndryshe, por kjo është një provë që Europa nuk gënjehet me mashrime. Rama nuk merr seriozisht zgjdhjet e ndershme dhe refuzon përgjegjësinë për të dalë nga kjo situatë”, deklaroi kreu i demokratëve./tesheshi.com/
