Disa segmente të politikës e medias shqiptare, kanë vënë në shënjestër dyshen Lu – Vllahutin, pra ambasadorin amerikan dhe atë të BE-së në Shqipëri, dy njerëzit që u investuan fuqishëm për reformën në drejtësi, duke i implikuar tashmë dhe haptazi në çështjen delikate të trafikut të drogës në Shqipëri.
Dy ditë më parë, një gazetar afër PD-së, i njohuri Çim Peka, do lështonte një status me në qendër ambasadorin amerikan, me pyetjen se përse ai nuk flet apo reagon për drogën.
Më pas, është deklarata anti-drogë e Ilir Metës nga Korça, i cili po ashtu kërkon një angazhim dhe të ndërkombëtarëve në këtë betejë, duke aluduar në heshtjen e tyre, e lënë e nënkuptuar si kompromentuese.
E është gazeta “55” sot, e ashtëquajtura media kamikaze e PD-së prej shumë vitesh, e cila ka goditur rëndë ambasadoren Vllahutin.
“Pista e Ishmit, quhej dhe ‘pista Vllahutin’”, është titulli i një shkrimi të kësaj gazete.
Tashmë, siç shihet, droga është mpleksur edhe me efektet e reformës në drejtësi. /tesheshi.com/
