Edi Rama ka folur për herë të parë zyrtarisht për një plan ndërkombëtar për destabilizimin e vendit ndërsa ka deklaruar se shteti do të ketë tolerancë zero ndaj çdo përpjekjeje për destabilizim.
Edhe pse u duk se kryeministri doli në një konferencë shtypi për të përsëritur ftesën për dialog ndaj Lulzim Bashës, u pa e qartë se konteksti ishte tjetër.
Pasi e ka ç’vlerësuar lajmin se ka kërcënim për jetën e Lulzim Bashës, Rama tha se qeveria ka trajtuar me seriozitet këtë informacion.
Por më pas bëri deklaratën e forte:
“Kjo përpjekje e PD ushqen kriminalitetin dhe fantazinë e atyre që nuk e duan këtë vend, duke krijuar shtigje për një destabilizim të mundshëm dhe kthim për vite të tëra mbrapa të Shqipërisë.
Pavarësisht bindjes sime se këto shtigje do tí mbyllim me doemos me tolerancë zero ndaj çdo shkelje kushtetuese dhe ligjore, pavatrësisht se ne nuk do të tolerojmë asnjë kthim mbrapa në kohët pa shtet, pa ligj dhe pa siguri për qytetarët tanë, pavarësisht se nuk do të tolerojmë kurrë që populli Sovran i Shqipërisë të merret peng, zgjidhja jonë është dialogu”.
Pikërisht në lidhje për dialogun, Rama tha që
“Kam mobilizuar zyrën time për të komunukuar me zyrën e kryetarit të PD duke kontaktuar pa pushim për ditë të tëra, pa sukses. Kam treguar gatishmërinë për të mbështetur një nismë të presidentit për dialog, pavarësisht rezervave të mëdha që kam për pozicionimet e anshme të presidentit, në momente kyçe kur ku vend kishte nevojë për paanshmërinë e tij. Dhe pse i është lënë Lulzimit dorë e lirë të vendosë se çfarë të diskutojë në tryezë. Jo vetëm se kjo nismë artificiale po bllokon zbatimin e Vettingut dhe për pasojë po rrezikon hapjen e negociatave”,
Rama shtoi se çdo ndihmë e ndërkombëtarëve për të ulur palët në tryezë është e mirëpritur, por ata janë penguar për këtë gjë.
“Besoj se mund t’i zgjidhim vetë gjërat, po sigurisht që ndihma e tyre është gjithmonë e mirëseardhur dhe mund tju them me sinqeritetin më të madh që ata janë sot në pozitë të vështirë sepse po ndalohen për të dhënë ndihmën e tyre, po pengohen për të dhënë ndihmën e tyre dhe kjo e vendos PD-në në një dritë shumë jopozitive, në sytë e miqve dhe partnerëve dhe padyshim dhe në radhë të parë në sytë e familjes së PPE ku PD është pjesë, po sigurisht nuk e vendos Shqipërinë në një dritë fort të shkëlqyeshme”, tha shefi i ekzekutivit shqiptar. /tesheshi.com/
