Opozita do të zhvendosë nesër në Shkodër mosbindjen civile me shpresën të ndezë një fitil reargues qytetar.
Përveç mbylljes së qepenave të tregtarëve të vegjël, opozita ka mobolizuar edhe militantët në një demonstratë në qendër të qytetit të madh verior.
Selia blu ka porositur strukturat e saj që çdo gjë të jetë paqësore dhe të mos ketë asnjë ekses që mund të shkaktojë problem të rendit publik.
Bashkia e Shkodres drejtohet nga e djathta dhe çdo përshkallëzim do të faturohej si kosto për PD-në. Por situata pritet të precepitojë pasi nesër edhe Edi Rama ka paralajmëruar vizitë në Shkodër.
Kryeministri do të jetë prezent në një aktivitet të shkollës së mesme industriale, e cila nuk është në qendër të qytetit.
Por gjithsesi do të jetë aktivitet që pritet të transmetohet live, e që për këtë arsye mund ta eklipsojë protestën e Partisë Demokratike.
Kryebashkiakja Voltana Ademi ka dërguar një shkresë në polici ku shpreh kundërshtim për takimin e Ramës. Ademi thekson se nesër është ditë pushimi dhe nuk mund të mblidhet kolektivi i nxënësve dhe mësuesve. /tesheshi.com/
