Kryeministri Edi Rama ka deklaruar nga Gjrokastra se Partia Demokratike nuk do që Shqipëria të ketë shtet. Gjatë fushatë së tij me tendencë sqaruese për reformat e ndërmara, “Të pastrojmë Shqipërinë”, shefi i qeverisë së Tiranës përcolli gjykimin e tij mbi protestat e opzitës së djathtë dhe thirrjet e saj për revolucion:
“Këta bëjnë thirrje për revolucion, por më thoni ju mua se në ç’vend të Europës dhe Ballkanit ndodhin protesta pse rrite gjobat? Pse dënon ata që vjedhin? Kemi përballë një kundërshtar që thotë çohuni në revolucion se këta duan të bëjnë shtet. Çfarë shteti mund të quhet ai shtet që në mes të Europës, jo vetëm që lejoi, por edhe pranoi vjedhjet e dritave? Ku ndodh kjo, përveçse në një shtet të vënë i tëri në shërbim të partisë në pushtet”.
Sa për pakënaqsitë e shumta karshi qeverisjes, Rama i lidhi ato me reformat e ndërmara, kur tha se “ne presim e presim prej 20 vitesh dhe tani i duam të gjitha gjërat sot. Nuk bëhen të gjitha gjërat sot. Çdo gjë do kohën e vet”. /tesheshi.com/
