Spanja, një prej shteteve që nuk e njeh pavarësinë e Kosovës, e ka lejuar që në nënqiellin e saj të valëvitet flamuri i shtetit 10-vjeçar të shqiptarëve të shkëputur nga Serbia.
Ka ndodhur kjo në ceremoninë e hapjes së Lojrave Mesdhetare që do të mbahen në Tarragona. Pos flamurit, aty u prezantua dhe himni i Kosovës, një tjetër simbol i pavarësisë.
Në këto lojëra, Kosova përfaqësohet me 40 sportistë të 12 disiplinave të ndryshme, me13 trajnerë dhe katër gjyqtarë.
Ka qenë kampionia olimpike Majlinda Kelmendi ajo që ka marrë flamurin nga presidenti Thaçi. Por gjakovarja që ka bërë historinë në këto vite, e që për shkak të fitoreve të saj në arenën ndërkombëtare ka shërbyer si një ambasadore e denjë e Kosovës, do jetë këtë event thjesht një trajnere. Kjo për shkak të një rikuperimi nga një dëmtim. /tesheshi.com/
